- 83 -

1327. Sept. 27. Liegnitz.

Boleslaus, Herzog von Liegnitz, urkundet, dass er dem Abt Johann zu Leubus und seinem Convente verkauft und zugewiesen habe 4 Mark und einen Groschen jährlichen Zinses von den Einkünften aus fünf Gärten, vor Liegnitz gelegen.

In nomine domini amen. Quoniam obliuio memorie nouercatur, necesse est, ea, que in longeuam deueniunt accionem, testium aminiculo et scripture suffragio roborari, proinde nos Boleslaus dei gracia duz Slesie et dominus Legnicensis ad noticiam vniuersorum tam presencium quam futurorum cupimus deuenire, quod nos de maturo consilio nostrorum procerum, habita deliberacione super eo diligenti, Viris religiosis, domino Johanni abbati totique cenobio et conuentui monasterii in Lubens vendidimus et liberaliter resignauimus quatuor marcas et vnum grossum Pragensem in redditibus in ortis ante Legnicz situatis, videlicet ante portam, qua itur in Aureum montem, in orto relicte Andree nouem fertones ipsis assignauimus. Item in orto . . Hertlonis in vicino septem scotos. Item ante portam Wratislauiensem in orto, quem dudum ille de Kalis possidebat, decem et nouem scotos. Item ante eandem portam in orto Cluge dicti decem scotos cum dimidio. Item in orto .. Jost vnum fertonem, quem quidem censum et redditus dictus dominus Johannes abbas et sui confratres nec non ipsorum successores singulis annis recipient in festo beati Martini confessoris volentes, vt ipsi eosdem redditus, quos ipsis venddimus (!) iure hereditario pacifice possideant et quiete, dantes de nostra munificencia speciali domino abbati ceterisque fratribus in conuentu Lubucensi constitutis plenam ac omnimodam voluntatem, eosdem redditus vendendi, commutandi, alienandi, in quamcumque personam transferendi secundum quod ipsis ac ipsorum successoribus videbitur melius ac vtilius expedire, protestantes in hiis scriptis dominum abbatem et suum conuentum sepedictos redditus per viginti quinque marcas apud nos emisse Polonici pagamenti. In cuius testimonium presentes ipsis dari fecimus nostri sigilli robore confirmatis. Datum in Legnicz dominica proxima ante diem sancti Michaelis anno domini millesimo, tricentesimo vigesimo septimo presentibus nostris fidelibus Henrico de Sylicz, Johanne Rymberg, Martino de Swenkinfelt, Wolfcone de Falkinhayn, Wynando ciue Lignicensi, Ticzcone de Aureo monte, Friczcone dicto Gezero, nostro notario, qui presencia habuit in commisso.

Orig. Prov. Arch. Urkk. d. Kl. Leubus No. 234, an grünen seidenen Schnüren hängt das Siegel des Herzogs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866